The Mariana Trench is the deepest point on Earth

حكم ومواعظ من الحياه ومشاكل زوجه


أنا متجوزه من اربع شهور أمي بتحبنى أوى وملهاش غيري ابويا طلقها من وأنا لسه رين ومعرفش شكل أبويا غير فين الصور ومحضرش فرحى ومتجوز وعايش حياته ولا كأنه ليه بنت امى دى اغلى حاجه في حياتي امى زى اي ام بتحب تزور بنتها كل اسبوع بتيجي تقعد معايا ساعه او ساعتين تطمن عليا وتمشي وكمان هى عايشه لوحدها وفراقي عنها صعب عليها وكمان لمآ بتيجي بتجبلي كل حاجه أنا محتاجها في البيت وبتدينى كمان فلوس جوزى بيغير من امى عليا ومش عايزها تيجي عندي ولا حتى تكلمنى في الفون طلبت منه اروحلها أنا كل اسبوع اقعد عندها يوم هو رفض وقالي لأ طبعا مقدرش اقول لأمي متجيش عندى اتكلمت معاه كتير برضوا رافض لأن حماتي اصلا حسيت منها كده ان هى ورا كل ده لأنها لما بتشوف امى بيركبها عفريت لأننا في بيت عيله ودايما تقولي أمك مدلعاكى وبتجبلك اكل وكل حاجه كده هتخليكى متحتاجيش لجوزك والله يا بنات بنزلهم كل حاجه امى بتجبها امي حالتها الماديه ما شآء آلله كويسه جدا المهم فضلت تسخن في جوزى لحد ما قلبته ع أمي فمن أسبوع جوزى بيقولي امك مش هتروحي عندها ولا هتجيلك قولتله دى امي ازاى تمنعنى عنها بعد ما كبرت وربيت وكسرت شبابها عليا اروح انا بدل ماردلها جميلها اقولها معلش عشان جوزى عايز كده قالي اهو كده وخلاص وسبنى ونزل جيت أنا مرتدش انزل تحت اخدم امه فبيقولي ليه مش نزلتي تخدمي أمى قولتله زى ما عملت في امى أنا مش ملزمه اخدم امك فيه اخواتك البنات وكمان زوجات اخواتك تحت يخدموها أنا مش نازله امك عندها غيرك امي مالهاش حد غيري المهم امي جات عندى من تلات ايام جوزى قابلها وحش اوى فبقوله ليه كده جوه في الاوضه وماما بره في الصاله لقيته معلى صوته وبيقولي أنا متجوزك بس أمك متجيش هنا تاني وقبل ما تيجي تطلب الأذن منى علشان أنا أفكر اذا كنت اسمح بدخولها أو لأ طبعا أمي سمعته لأن صوته كان عالي وطلع كمان يزعق قدامها وقالها متجيش هنا تاني فامي بتقوله ليه يابنى ده انا بعتبرك ابنى قولي عملت ايه علشان تهني بالشكل ده وتقولي كده قالها معملتيش حاجه بس متجيش هنا تانى قولتله اخرس جاك قطع لسانك ازاى تعمل كده مع أمي او تهينها كده ده انا ادوس عليك و ع اي حد يهين امي او يبصلها بصه مش كويسه شتمنى وضربنى امى نزلت تعيط ع السلالم نديت عليها وقولتلها استنى جايه معاكي قالي لو طلعتى وراها انتي طالق قولتله في ستين داهيه أنا اللي مش هعيش معاك تاني وطلقنى ولو مش طلقتني أنا هرفع عليك قضية خلع وروحت عملت محضر بالضرب عشان فعلاً انا كرهته ومش باقيه عليه امى من ساعتها نفسها مكسوره وانا مش عارفه اعوضها أو اعملها إيه هى بتقولى انا خربت بيتك يابنتى دلوقتي يقولوا أمها خربت بيتها وانها هتبقا مطلقه زى أمها كنتي عرفتينى ان جوزك مش عايزنى اجى عندك مكنتش جيت وهى يا حبيبتي حاسه بالذنب وتقولي أنا السبب ارجعي لجوزك وأنا استحاله ارجعله تاني بعد اللي عمله في امي ده هو انا كده غلطانه يا بنات في اللي حصل ده انى مقبلتش الاهانه ع امى هو ليه الراجل لمآ يتجوز بيبقا كل حاجه مباحه لأمه لكن ام مراته لاء هى مش ام زى ام هو انا صح ولا انا مذوداها
منقوووول

Comments